Monkees: «Last train to Clarksville»

l'emprima «Boygroup»
Legenda da maletgs: Keystone

L'onn 1966 cumenza tar la staziun da television NBC ina seria davart ina band cun quatter giuvens. Quella raquinta davart lur mintgadi e lur siemis d'avair success. Ed els han lura er success, na be en la televisiun, mabain er en la vita reala, en las paradas da hits. Las chanzuns dals «Monkees», da Davy Jones, Micky Dolenz, Peter Tork e Michael Nesmith han in success enorm. L'emprim hit è «Last train to Clarksville», ina chanzun cunter la guerra da Vietnam, che raquinta d'in giuven che sto entrar en l'armada, e che tema ch'el na vegnì betg pli a returnar. La chanzun en il stil dals Beatles daventa in hit e semperverd, però be paucs enconuschan l'entira istorgia: en il studio na sunan betg ils «Monkees», quai èn musicists da professiun che san propi sunar. L'emprima boygroup ha però vinavant success e venda fin il 1971 75 milliuns discs.

Autur/a: Jachen Prevost