Kid Rock: «All summer long»

live a Daytona Beach
Legenda da maletgs: Keystone

La fin da la stad 2008: Ina chanzun avain nus udì bleras giadas quellas emnas. Entrada en la parada da hits svizra: ils 22 da zercladur, pauc pli tard nr. 1, e quai per 7 emnas, e durant il settember anc adina en ils top 3. «All summer long» da Kid Rock.

Atgnamain in'idea geniala. I vul in pèr tacts d'anteriurs hits da stad, da quels che tuts enconuschan e cun quels pon ins fabritgar in nov hit, senza snegar ils originals. Quai ha fatg Robert James Ritchie, alias Kid Rock, in rapunz e musicist da rock da Michigan, ed ha procurà per in grond hit da stad. I va per in giuven American che raquinta da sias regurdientschas ed aventuras durant la stad. Cun sia cumpogna baiva el fin ch'el è sturn, els fiman «funny things», emprovan da tuttas sorts raubas e fan l'amur sper il lai, cun lur musica prediletta. E quai para dad esser «Sweet Home Alabama, in classicher da «Lynyrd Skynyrd», ina band renumada che fascheva rock dal sid – e «Werwolves Of London» da Warren Zevon. Cun reutilisar quests semperverds ha Kid Rock procurà per in hit da stad il 2008 ed è arrivà en blers pajais sin l'emprima pusiziun.

Autur/a: Jachen Prevost