Khaled: «Aïcha»

il musicist da raï da l'Algeria
Legenda da maletgs: Keystone

«Aïcha» sto esser ina dunna da bellezza, amabla e graziusa. Il protagonist da la chanzun è fascinà ed empermetta da dar ad ella aur, perlas e pedras preziusas. Ella va però vinavant, sco ina princessa, senza guardar – ed el è desperà. «Aïcha», la giuvna adurada, na correspunda però betg al purtret da la dunna ch'el avess spetgà. Ella è emancipada e respunda: tegna tes stgazis, jau val dapli che tut quai – e chabgias restan chabgias, era schellas en d'aur. Jau vi ils medems dretgs sco ti, respect mintga di, e sulettamain amur. Sche l'istorgia ha ina fin romantica nè betg enconuschent.

Per il musicist Khaled, naschi il 1960 ad Oran en Algeria, è «Aïcha» in grond success. La chanzun che Jean-Jacques Goldman scriva per el en il stil da «raï», la musica tradiziunala da l'Algeria, vegn cumplettada cun tuns da pop, e cun ses text franzos ed arab fa la chanzun punts tranter culturas. Il 1996 è ella sin l'emprima plazza en Frantscha ed Khaled daventa in dals musicists impurtants da la musica dal Maghreb.

Autur/a: Jachen Prevost