Jimmy Buffett: «Margaritaville»

il chantautur e cumponist da «Margaritaville»
Legenda da maletgs: Keystone

Jimmy Buffet è in chantautur fitg popular en America. La chanzun la pli impurtanta ch'el ha cumponì è sco ina recloma per Key West, l'ultim lieu d'ina chadaina d'inslas giusum il stadi da Florida. Sia musica descriva el sco «rock caribic in pau sturn», e quella cuntegna blers elements tropicals che procuran per buna luna. La chanzun raquinta d'in um che passenta tut l'onn a Key West, in chè scappà dal fraid. La vita fuss atgnamain patgifica e relaxada, pero i dat colonnas da turists e la pitschna citad patescha pervi da las massas. Da raschun pudess ins discurrer dina chanzun cun messadi ecologic, pero quai nè betg stà l'intenziun da Jimmy Buffet. Cun «Margaritaville» ha el fatg vaira blers raps e quai è er daventa sia marca. Sco emprim ha el avert in «Margaritaville» a Key West, uss è quai ina chadaina da restorants en sur 30 citads. Lura datti anc casinos, residenzas da seniors, ina firma discografica ed ina staziun da radio. Ozeldi è Buffet multimilliunari, viva a New York ed a St. Barth en la Caribica ed el posseda er divers aviuns.

Autur/a: Jachen Prevost