Jael: «Free Fall»

Jaël, anteriura chantadura da Lunik
Legenda da maletgs: MAD

Jael, l'anteriura chantadura da Lunik, ha ina vusch d'anghel, e sias chanzuns èn savens er sentimentalas e melancolicas. Sco fatg aposta per quists dis preschenta ella uss ina versiun acustica da ses disc «Shuffle The Cards». Cun Cédric Monnier (anteriur collega da Lunik) e Domi Schreiber, enconuschent sco MyKungFu, inscenescha ella sias chanzuns en ina furma anc pli subtila ed intima. «Free Fall» è ina chanzun che raquinta da nostalgia, d'occasiuns manchentadas e da l'autra vart d'optimissem e s'orientar vers l'avegnir.

Per realisar las chanzuns cun tuns fragils èn els ids en in lieu in pau giud via, en il «Ideenhaus» a Seelisberg, e là han els registrà 1:1, tut live, er cun sustegn dal ensemble vocal Suppléments Musicaux. Exclusivs vegnan lura ad esser ils 8 concerts durant il december, ed il disc datti en emprima lingia be en furma digitala, o lura sco dc tar ses concerts e sin sia pagina d'internet.