Gerry & the Pacemakers: «You’ll Never Walk Alone»

la band da Liverpool
Legenda da maletgs: MAD

Las vias d'ina chanzun pon esser qua o là fitg spezialas. Qua udis l'istorgia d'ina chanzun or d'in musical ch'è daventada in imni da ballape.

Il 1945 è stada al Broadway la premiera dal musical «Carousel», in'ovra dals auturs enconuschents Richard Rogers ed Oscar Hammerstein. Ina chanzun da quel musical è lura daventada in grond hit, in grond semperverd – ed è vegnida reinterpretada tschients da giadas, da Frank Sinatra, Nina Simone, Elvis e schizunt da la band tudestga «Die Toten Hosen». La versiun, la pli fascinanta è quella ch'ina band da Liverpool ha fatg ils onns 60: Gerry & the Pacemakers, ch'avevan cun Brian Epstein e George Martin il medem manager e producent sco ils Beatles. Lur emprimas trais chanzuns èn tuttas stadas hits nr.1, surtut lur represa «You'll Never Walk Alone», la chanzun da Rogers e Hammerstein. Tar ils Pacemakers è quai daventà in toc da ballape, e l'imni inuffizial dal Liverpool Fc. La chanzun ha er fatg carriera tar auters clubs sco Celtic Glasgow, Borussia Dortmund ed il FC St. Pauli – e schizunt tar moviments politics è «You'll Never Walk Alone» daventà ina chanzun per exprimer solidaritad.

Autur/a: Jachen Prevost