Eddie Cochran: «Summertime Blues»

Il musicist da Rock'n'roll Eddie Cochran.
Legenda da maletgs: Eddie Cochran MAD

Ils 28 da marz 1958 a Los Angeles. Il musicist da Rock'n'roll Eddie Cochran va en il studio per registrar sia proxima single. Il giuven da 19 onns è gia in star da la musica ed ha gì in pèr success. Quel di ha el pero pront ina chanzun che daventa in hit da stad ed in semperverd. Cochran aveva cumponì la chanzun ensembel cun ses manager Jerry Capehart, ed en il studio ha el sunà tut las parts da ghitarra e ha er chantà tut las vuschs. El raquinta d'in giuven che s'allegra sin la stad, che vuless invidar a sia amitga per far in gir cul auto. pero ses schef è d'auter avis. Cler ch'il giuven survain il blues da stad, ed el na chatta nagin remedi. Il «Summertime Blues» è sta in grond hit en ils Stadis Units e mintga stad returna el puspè en ils programs dals radios. Ed er auters musicists èn stads intgantads. I dat numnadamain bleras reprisas. Dals Beach Boys, The Who, Blue Cheer e schizunt ina versiun da country da Alan Jackson.

Autur/a: Jachen Prevost