Crosby, Stills, Nash & Young: «Teach your children»

la supergruppa da folk-rock
Legenda da maletgs: Keystone

David Crosby, Stephen Stills, Graham Nash e Neil Young: quatter musicists da renum furman ina band, ed er sche la chemia tranter els è adina stada difficila: Lur sound ha influenzà fermamain la musica da rock da quels onns. Cun «Déjà Vu», lur segund disc, han els fatg ina capoovra e «Teach your children» è daventà in da lur gronds semperverds. La chanzun ha in messadi ferm cunter l'indifferenza e la violenza, ed animescha da reflectar tge che nus mussain a noss uffants.
Graham Nash l'aveva cumponida en stil da country, cun ghitarras accusticas ed in tun tut spezial ha dà la steel-guitar da Jerry Garcia, il chantadur e gitarrist dals Greatful Dead ch'era vegni envidà, er sch'el n'aveva quella giada anc bler'idea da quel instrument. Pero er en auters reguards esi stà difficil. Ils quatter musicists n'avevan betg blera veglia da sunar ensembel ed han registra sulets lur part, il rest ha stui far l'inschigner da tun. Malgra tut è «Teach your children» daventà in grond success ed ina da las chanzuns ch'els han suna savens sil palc, bleras giadas pero senza Neil Young chè i sias atgnas vias.

Autur/a: Jachen Prevost