Céline Dion: «Ne partez pas sans moi»

La lodola dal Quebec
Legenda da maletgs: Keystone

Céline Dion, la chantadura cun la vusch extraordinaria, è stada in cas da fortuna per la Svizra. Quels onns era ella enconuschenta be en il Canada ed en Frantscha. Il rest dal mund n'aveva anc betg scuvert ses talent unic. Cun la chanzun «Ne partez pas sans moi», cumponida da Atilla Sereftug e cun il text da Nella Martinetti ha ella gudagnà il Councours Eurovision de la chanson a Dublin – be cun in punct avantatg sin la producziun da la Gronda Bretagna.

La chanzun da Céline Dion è stada la segunda, pero er l'ultima ch'ha gudagnà per la Svizra. Ella è er l'ultima da lingua franzosa ch'è stada sisum il podest. Il success en Svizra è stà fitg grond per la chanzun «Ne partez pas sans moi». En la parada da hits è ella pero rivada be sin plazza 11. Céline Dion ha lura tuttina fatg gronda carriera – surtut cun chanzuns per englais, ed a la fin er en ils Stadis Unids. Enfin oz ha ella vendì sur 220 milliuns albums.

Autur/a: Jachen Prevost