Bob Marley: «Stir it up»

il grond musicist da reggae
Legenda da maletgs: MAD, Adrian Boot

Robert Nesta Marley è stà il pli grond musicist da reggae ed er in che ha cumbattì per egualitad e pasch. Già al principi dals onns 60 ha el ina band, «Bob Marley & the Wailers» ensembel cun Peter Tosh e Bunny Wailer. Ed els han er in per hits a Jamaica. Il 1967 cumpona el «Stir it up», ina chanzun d'amur per sia dunna Rita, ed els registreschan la chanzun sco single. In success daventa quella pero en la versiun ch'il texan Johnny Nash fa il 1972 cun sustegn da Marley. In onn pli tard registreschan er Bob Marley e ses Wailers il toc, che cumpara sin lur disc «Catch a Fire». Per Marley è quai ses emprim hit internaziunal ed il cumenzament d'ina carriera grondiusa sco protagonist principal dal reggae jamaican. El è mort ils 11 da matg dal 1981 cun be 36 onns.

Autur/a: Jachen Prevost