Bing Crosby: «White Christmas»

il grond entertainer american
Legenda da maletgs: Keystone

Bing Crosby era in dals gronds entertainers americans, che ha gì ses emprims hits ils onns 30. Ses pli grond è in da l'onn 1941, e quel vala er sco in dals pli gronds semperverds da tut ils temp, cun ina vendita sur 100 milliuns singles. Perquai che la registraziun originala era donnegiada hai da il 1947 ina segunda versiun da «White Christmas», puspè cun Bing Crosby e cun ils medems musicists, e quai è la versiun che va anc adina en tut ils radios.

Cumponist era Irving Berlin che na saveva ni leger ni scriver notas. La chanzun è naschida en California durant ina perioda da chaliras, e Berlin aveva il desideri ch'i vegniss la naiv. Cun white christmas ha el fatg ina chanzun che ha accumpagnà generaziuns, che vala anc adina sco ina da las pli bellas chanzuns da Nadal e che cumpara mintg'onn puspè danovmain.

Autur/a: Jachen Prevost