Barclay James Harvest: «Life is for living»

cun John Lees e Les Holroyd durant in concert
Legenda da maletgs: Keystone

La band brittanica Barclay James Harvest, fundada il 1967, fascheva rock progressiv, in gener da musica che ha procurà per musica zunt interessanta durant ils onns 70 ed 80. John Lees, Mel Pritchard, Woolly Wolstenholme e Les Holroyd han expertimenta bler, pero pir il 1979, cur ch'els han midà lur stil da musica, hai dà dapli attenziun. Cun lur 11 avel disc, «Turn of the tide» han els er gì success commercial. Surtut la chanzun «Life is for living» è daventada lur chanzun clav. Les Holroyd l'aveva cumponida aposta per in concert a Berlin in onn avant, e quel concert cun 170'000 aspectaturas ed aspectaturs ha fatg gronda impressiun. «Life is for living» cumpara l'emprim sco single e ses success ha encuraschà la band e sin lur proxims discs han els preschantà divers auters hits en quel stil. La band datti anc adina, pero en dus furmaziuns che van atgnas vias musicalas.

Autur/a: Jachen Prevost