Albert Hammond: «It never rains in Southern California»

chantautur da success
Legenda da maletgs: Keystone

Il chantautur e cumponist Albert Hammond è naschi il 1944 a Londra, ha passenta unfanzia e giuventetga a Gibraltar ed è daventa in furnitur da chanzuns per blers auters. Usche per Leo Sayer, Tina Turner, Celine Dion e schiziunt per Willie Nelson e Julio Iglesias. Pero er sco chantautur ha el gi success. Ses emprim hit è stà: «It never rains in Southern California» da l'onn 1972, da ses emprim disc cun il medem num. Quel è rivà be subit sin plazza 5 en America. En Europa è quai stà in grond hit en ils radios, pero en las paradas ha mancà la preschientscha. Hammond l'aveva cumponida ensemen cun Mike Hazelwood, in da ses cumpogns da lur anteriura band dals onns 60 «Family Dogg», e laveva er offerta a Glen Campbell ed als Seekers, pero quels han manegià che quai saja la pli nauscha chanzun ch'els hajan udi. Uschia ha Hammond interpreta savess lur cumposiziun e tut tunava fitg autentic e credibel, er sch'els neran mai stads en California. Pero vairamain na tracta la chanzun betg l'aura sulagliva a Los Angeles e San Diego, pertge er là datti plievgias intensivas e temporals: i va pel siemi d'avair success en California, per star en il sulai e giudair la glischur, pero surtut là pon ils siemis da daventar in star far naufragi. Per Albert Hammond ha questa chanzun avert las portas per ina carriera da musicist e cumponist cun hits sco: «The Free Electric Band», «Im a train» e «Down by the river».

Autur/a: Jachen Prevost