Alan Sorrenti: «Tu sei l’unica donna per me»

In dals gronds musicists talians
Legenda da maletgs: MAD

Alan Sorrenti registrescha il 1979 «Tu sei l'unica donna per me». Cun quella chanzun gudogna el il concurs da chant prestigius «Festivalbar» a Verona. Ses concurrents eran tranter auters Toto Cutugno, Angelo Branduardi, I Pooh, Nada e Loredana Bertè.

I vegn pero anc meglier. La chanzun d'amur vaira dultscha è il hit da stad en Italia, e cur che las vacanzas èn a fin conquista ella er anc las paradas al nord da las Alps. En Germania be numer 13, pero per la paja durant 39 emnas en la parada, ed en Austria numer 2 e 14 emnas. Il public svizzer, quel ha reagì il meglier: «Tu sei l'unica donna per me» riva sin l'emprima plazza – e resta là durant 9 emnas.

Autur/a: Jachen Prevost