Siglir tar il cuntegn

Header

cuntegn

Impuls Biografias

  • Dumenic Andry che ria.
    Legenda: editionmevinapuorger

    Dumenic Andry

    Dumenic Andry (*1960) è creschì si a Ramosch. El ha studegià romanistica a l’Universitad da Turitg e publitgescha texts en revistas e gasettas. Tranter auter ha el publitgà Roba da tschel muond (2002), Uondas (2008), Suot tschendra “Sammlung der Schweizer Poesie”( 2013) e Sablun (2017). Dumenic Andry ha retschavì il Premi da promoziun dal chantun Grischun ed il Premi da la Fundaziun Schiller. Plirs da ses texts èn stads nominads per il «Premi Term Bel» als Dis da litteratura a Domat. Dapi il 2014 è el redactur da las Annalas da la Societad Retorumantscha.

  • Purtret da Romedi Arquint.
    Legenda: Romedi Arquint. mad, Romedi Arquint.

    Romedi Arquint

    Romedi Arquint è naschì 1943. El è maridà ed è bab da 3 uffants. Suenter il studi da teologia lavurà sco reverenda, magister da scola media, adjunct scientific tar la confederaziun. Romedi Arquint è activ en la politica chantunala e communala, s’engascha en dumondas da linguas minoritaras e regiunalas da l’Europa.

  • Um cun egliada seriusa e capuza nera
    Legenda: Carlo Beer rtr

    Carlo Beer

    Carlo Beer (*1985) è creschi si a Sedrun. Suenter l’emprendissadi da cuschinier ha el passentà tschintg onns a Los Angeles. Durant quel temp ha el cumenzà a scriver e da s’interessar per film. Suenter che Carlo Beer è turnà en Svizra ha el fatg la matura e lavurà sin differents mastergns. El viva a Turitg e studegia reschissur e librettist da film a la Scola Auta d’Art (ZHdK).

  • Dunna cun bials chavels lungs nairs, egliers ed in surier sulaiv
    Legenda: Gianna Olinda Cadonau Gianna Olinda Cadonau mad: Yanik Bürkli / Bündner Tagblatt

    Gianna Olinda Cadonau

    Gianna Olinda Cadonau (*1983) è naschida a Panaji (India) e creschida si a Scuol. Suenter il studi da relaziuns internaziunalas a Genevra e management da cultura a Winterthur ha ella lavurà sco producenta per differentas producziun da teater e musica. Dapi il 2010 lavura ella tar la Lia Rumantscha nua ch’ella è responsabla per la promoziun da cultura. A la cultura sa deditgescha ella er en ses temp liber, scrivent, chantond, sautond, pussibilitond la cultura en la cumissiun da cultura grischuna ed en il teater La Vouta. Tranteren e durant viva ella cun sia famiglia a Cuira.

  • Um cun eglier e surrier
    Legenda: Linard Candreia Linard Candreia mad

    Linard Candreia

    Linard Candreia (*1957) è creschi si a Casti. El scriva cunzunt istorgias curtas, per surmiran e tudestg. Fin ussa èn cumparids 7 cudeschs dad el: Notiztgas dalla Sicilia, Crappa da sulada/Pflastersteine, miniaturas/miniaturen, Zurück nach Marmorera, Fastezs digl passo, Hanna la Tirolra – Hanna die Südtirolerin e Laufental (in cudisch davart sia nova dimora). Meinaproject dal codesch triling grischun „Igl tgavrer – Il capraio – Der Geisshirt“. Plinavant instruescha Linard Candreia al progimnasi a Laufen (BL) ed è deputau da Basilea campagna.

  • in hom cun chavels curts brins
    Legenda: Martin Cantieni Martin Cantieni rtr

    Martin Cantieni

    Martin Cantieni (*1984) è creschì a Sagogn, ha fatg da tuttas sorts e studegia dapi l'onn 2015 filosofia e rumantsch a l'Universitad da Turitg.

  • Dunna cun chavels cotschens.
    Legenda: Fabiola Carigiet mad

    Fabiola Carigiet

    Fabiola Carigiet (*1963), oriunda da Domat, è autura e scolasta a Berna. Ella scriva e publitgescha lirica e prosa.

  • purtret da Paula Vincenz
    Legenda: MAD

    Paula Casutt-Vincenz

    Paula Casutt-Vincenz (*1968) è creschida si a Breil. Oz viva ella cun sia famiglia a Falera, nua ch’ella scriva era poesias e prosa, suenter ch’ella ha frequentà la scolaziun «Literarisches Schreiben» a la SAL a Turitg. L’onn 2005 è cumparì en collavuraziun cun il pictur artist Guido Tomaschett il cudesch da poesias «Muments/Augenblicke». 2017 ha ella era publitgà ses emprim roman «L’umbriva dil temps - Der Wandel der Zeit» (Buchverlag-Somedia).

  • Purtret da Dominique Dosch.
    Legenda: Dominique Dosch. RTR

    Dominique Dosch

    Dominique Dosch (*1995) è autura da Tinizong. Ella studegia psicologia, pedagogia e rumantsch a l'Universitad da Friburg ed è l'autura dal roman da fantasia «Sindoria», cumparì tar la Chasa Editura Rumantscha il 2013.

  • Purtret da Barbla Etter
    Legenda: mad

    Barbla Etter

    Barbla Etter (*1978) è creschida si a Madulain. Suenter il studi da romanistica, schurnalissem ed istorgia ha ella lavurà tschintg onns per la Lia Rumantscha e tschintg onns a l'Universitad da Friburg sco assistenta en il rom rumantsch e sco collavuratura scientifica a l'Institut da plurilinguitad. Oz viva ella a Thun e lavura tar l'Uffizi federal da traffic e s'occupa da la navigaziun sin ils lais svizzers. Durant il temp liber sa deditgescha ella tranter auter a la litteratura rumantscha.

  • Duonna cun chapé nair
    Legenda: Romana Ganzoni RTR

    Romana Ganzoni

    Romana Ganzoni (*1967) è autura da Scuol. Ella scriva raquints, poesias ed auter. Lavura e viva cun famiglia, chauns e giats a Schlarigna.

  • Um simpatic cun chavels stgirs ed egls clars
    Legenda: Jürg Gautschi RTR

    Jürg Gautschi

    Jürg Gautschi (*1963) da Trun è schurnalist tar SRF, autur da films e teatrist.

  • Dunna (*76) cun chavels clers curts e fatscha fina
    Legenda: Alexa Giger Alexa Giger mad

    Alexa Giger

    Alexa Giger (1976) è creschida si a Surrein e viva a Cuira. Suenter il seminari da scolasts ha ella instruì a Sedrun ed a Berna. Ella ha frequentà differentas scolaziuns sil champ da l’art, da la coluraziun d'architectura e da l’indermediaziun d’art. Dapi l’enschatta 2008 lavura ella tranter auter sco intermediatura d’art al Museum d’art dal Grischun.

  • purtet da Asa S. Hendry, dunna cun egls blaus e chavels cotschens.
    Legenda: Asa S. Hendry mad, Stina Hendry

    Asa S. Hendry

    Asa S. Hendry (*1999 sco Stina Hendry) è creschida si a Vella. Ella frequenta la scola chantunala a Cuoira, fa teater, va ad alp e scriva. Dal 2015 è cumpari ses emprim roman da fantasia «Emalio» tar la Chasa Editura Rumantscha, ch’ella ha scrit ensemen cun Flurina Albin. Dapi lura scriva Asa S. Hendry era suletta ed ha guadagnà il Premi Term Bel 2016.

  • Dunna simpatica da var 30ons cun in surier malizius
    Legenda: Sara Francesca Hermann Sara Francesca Hermann mad

    Sara Francesca Hermann

    Sara Francesca Hermannn (*1985) è da Samedan. Ella è magistra ed actura. Suenter ina scolaziun da teater a Turitg lavura ella sco actura libra en differents projects. Oz è ella part da la cumpagnia da teater Mummenschanz.

  • purtet da Fadina Hofmann, dunna che ria.
    Legenda: Fadrina Hofmann Fadina Hofmann. mad

    Fadrina Hofmann

    Fadrina Hofmann (*1982) è autura da Scuol. Suenter il studi da scienza da medias, communicaziun, schurnalissem e rumantsch ha ella lavurà per diversas gasettas. Actualmain lavura ella sco schurnalista tar «Die Suedostschweiz». Ella scriva raquints per creschids ed uffants e lavura er anc sco translatura. Fadrina Hofmann Estrada lavura e viva cun famiglia e chaun a Scuol.

  • Fotografia da Plinio Meyer. Um cun cavels curt ed ögliers.
    Legenda: Plinio Meyer Plinio Meyer. RTR

    Plinio Meyer

    Plinio Meyer (*1962) è hotelier ed autur da Müstair. Dal 2007 è cumpari ses emprim cudesch «Dschon Uein id atras istorias grischunas» (chasa editura Desertina), dal 2012 «Herr Clotin und die Orientbahn» (chasa editura Desertina) e dal 2015 é cumpari «Tavellöz» (chasa editura Uniun dals Grischs).

  • Purtet da Svetlana Munderich
    Legenda: mad

    Svetlana Munderich

    Svetlana Munderich (*1977) è creschida si en Russia. Dapi l’onn 2003 abita ella dentant a Turitg. Ella è studenta da scienza da plurilinguitad e rumantsch a l’Universitad da Friburg.

  • Purtet da Sidona Pazeller
    Legenda: RTR

    Sidonia Pazeller

    Sidonia Pazeller (*1998) è creschida si a Tarasp. Davos la matura ha ella lavurà in onn a la lunga da qua e da là. Ella studegia biologia e romanistica a l’Universitad da Turitg, scriva spera pro per l‘ANR ed instruescha rumantsch sur Skype.

  • purtret da Myriam Pelican-Camenisch
    Legenda: RTR

    Myriam Pelican-Camenisch

    Myriam Pelican-Camenisch è creschida si a Laax. Ella ha frequentà il seminari scolastic a Cuira. Suenter ha ella dà scola 8 onns. Tranteren ha ella lavurà sco redactura tar il Radio Rumantsch. Uss è ella maridada e viva a Surrein. Sper esser scolasta è ella era pura ed ella e ses um han tranter auter surtut frajas. Ils hobis da Myriam Pelican èn: chaun, natira, sport, leger e linguatgs.

  • Dunna cun chavels curts.
    Legenda: Zegna Dosch mad

    Zegna Pittet-Dosch

    Zegna Pittet-Dosch (*1980) è scolasta e schurnalista che abita cun sia famiglia a Cunter en Surses. Ses temp liber deditgescha ella a la lingua rumantscha per exempel cun scriver Impuls.

  • Dunna cun chavels curts ed egls blaus
    Legenda: Rut Plouda RTR

    Rut Plouda

    Rut Plouda (*1948) è creschida a Tarasp, viva a Ftan. Ella scriva poesias e prosa cuorta. Ses emprim cudesch «Föglias aint il vent» (poesias) è cumparì 1986. Igl onn 2000 è «Sco scha nüglia nu füss» vegnì publitgà. I suondan translaziuns da quell’ovra en tudestg, franzos e rumen. Rut Plouda ha retschiert il Premi da promoziun dal Chantun Grischun, il Premi da l’UBS, il Premi da la Fundaziun Milly Enderlin ed il Premi Schiller svizzer.

  • Um cun chavels grischs e cigaretta
    Legenda: Arnold Rauch RTR

    Arnold Rauch

    Arnold Rauch (*1956), oriund da Ftan, è cineast e schurnalist e viva a Cuira. Avant bundant 30 onns è cumparida sia chanzun legendara «Il mariner». Arnold Rauch ha scrit texts da differents geners ch’èn tranter auter vegnids publitgads en la «Litteratura» da l’Uniun per Litteratira Rumantscha.

  • Purtret da Tinetta Rauch
    Legenda: Tinetta Rauch mad

    Tinetta Rauch

    Tinetta Rauch (*1984) è creschida si a Sent e Crusch. Suenter il studi a la scola auta da pedagogia dal Grischun ha ella studegià architectura a l’ETH a Turitg. Tinetta Rauch scriva e publitgescha prosa rumantscha ed è stada tranter auter er victura dal premi Term Bel dals Dis da Litteratura a Domat.

  • Ina dunna (49) cun chavels cotschenbrins cun in bi surrier
    Legenda: Susi Rothmund Susi Rothmund RTR

    Susi Rothmund

    Susi Rothmund (*1967) é creschida si a Trun e viva cun sia famiglia a Cumpadials e Sedrun. Ella lavura pro l’Agentura da novitads rumantscha e giuda il pli gugent il temp liber en la natira, sper in lai u cun viagiar.

  • Purtret da Bettina Secchi-Fluor.
    Legenda: Bettina Secchi-Fluor. RTR

    Bettina Secchi-Fluor

    Bettina Secchi-Fluor ha passentà ses prims 5 onns en Svezia. La scolina, la scola primara e la scola da commerzi ha ella frequentà a Zuoz. Suenter ha ella lavurà in pau qua e là fin ch'ella ha decidì da sa deditgar er professiunalmain a sia gronda passiun, il scriver. Ella ha fatg curs da schurnalissem ed ha lavurà divers onns sco redactura tar il Fögl Ladin a Samedan. Dapi l'onn 1996 viva e lavura ella a Locarno.

  • Purtret da Leo Tuor che legia in cudesch.
    Legenda: Leo Tuor. RTR

    Leo Tuor

    Leo Tuor è creschì si a Rabius e Mustér. Suenter il gimnasi a Mustér suondan studis da filosofia a Turitg e Berlin, e studis da rumantsch, istorgia e litteratura tudestga a Friburg. Leo Tuor ha terminà ses studis sco scolast secundar phil. I. Gia durant ses studis era el redactur da "la Talina" ed ha dapi lura adina puspè scrit. Bleras stads ha el passentà si d'Alp sco pastur. Oz viva l'autur da renum a Val (Surrein) cun sia dunna ed ils trais uffants.

  • Um cun chavels alvs ed egliers che surria
    Legenda: Benedetto Vigne Benedetto Vigne RTR

    Benedetto Vigne

    Benedetto Vigne è naschì en Italia (1951), creschì en Surses e viva dapi quarant’onns a Turitg. El scriva istorgias e chanzuns, el descriva suns e tuns e fa savens er in zic radio (tar RTR). El ha lantschà il rock rumantsch, translatà ils Beatles ed edì dus cudeschets: «Istorgias da Trantertemp», «diari giapunais».

  • purtret da Jessica Zuan
    Legenda: RTR

    Jessica Zuan

    Jessica Zuan (*1984) è creschida si a Segl cun bab engiadinais e mamma americana. Oz viva ella cun sia famiglia a Barcelona. Ella ha fatg ina scolaziun da translatura, lavura per chasas edituras e scriva agens texts. L'onn 2017 è cumpari ses emprim tom da poesias "L'orizi / La tempête" (Editions Samizdat).

  • Dunna cun chavels lungs blonds ed egls grischs
    Legenda: Flurina Badel RTR

    Flurina Badel

    Flurina Badel (*1983) è creschida a Lavin e Guarda. Ella è artista, autura e schurnalista. Suenter ch’ella ha lavurà divers onns sco redactura e moderatura tar Radiotelevisiun Svizra Rumantscha ha ella studegià anc Fine Arts a l’Institut Kunst da la HGK FHNW Basilea ed è stada studenta da giast a l’institut per art dal pled a l’Universitad per art applitgà a Vienna. Dapi il 2014 fa ella part dal duo artistic Badel/Sarbach, dapi il 2016 è ella redactura da l’emissiun «Impuls» da Radiotelevisiun Svizra Rumantscha.