Protest cunter abitaziuns socialas en la citad da Berna

I para desser in mund in pau sutsura: En la citad da Berna ha quai adina puspè glieud ch'occupa chasas veglias, perquai ch'i n'ha betg avunda abitaziuns bunmartgadas.

Vista sin la citad da Berna
Legenda da maletgs: Vista sin la citad da Berna Keystone

La citad da Berna ha effectiv la finamira da stgaffir ils proxims onns 1000 abitaziuns socialas dapli. Pervi da quai duess ussa ina chasa veglia che vegn renovada, daventar usche in project cun abitaziuns socialas. En ina tal'abitaziun po be star tgi che gudogna main che 25000 francs l'onn.

Ma quai na plascha betg als abitants actuals da questa chasa. Cun transparents e banderolas vi da la chasa, quella ves'ora sco sch'ella fiss occupada, protestan els cunter quest midament. Be ch'en quest cas n'èsi betg in protest cunter ils fits da locaziun memia chars, mabain in protest cunter abitaziuns socialas en precis questa chasa. Ils abitants gudognan numnadamain tuts memia bler per pudair restar suenter la renovaziun en lur abitaziun!

Autur/a: Romana Costa