Parsepens sco ovras d’art

Nadal è finalmain qua. Il spetgar è stà lung. Mintgin ha passentà quai temp avant Nadal sco ch'i ha plaschì il megler ad el.

In parsepen.
Legenda da maletgs: Tar blers tutga in parsepen tar Nadal sco il pignol da Nadal. Colourbox

Intgins preparan biscuits e decoreschan lur dachasa, intgins visetan fieras da Nadal, intgins siglian dad ina butia en l'autra per chattar ils dretgs regals, auters contempla gugent las illuminaziuns en las vias da las vischnancas e citads. Ed intgins – almain en il Tessin – van a guardar parsepens a Vira Gambarogno. La vischnanca al Lago Maggiore sa transfurma durant Nadal en in pitschen Bethlehem cun ina exposiziun da parsepens en sias vias e giassas ed il pli bel parsepan gudogna era in premi.

Era stà a guardar ils parsepens a Vira Gambarogno è nossa correspundenta per la Svizra taliana Mirella Zen che rapporta oz da questa exposiziun.

Autur/a: RTR / Corina Luck