Siglir tar il cuntegn

Header

Navigaziun

cuntegn

Ils auters Noss correspundent e nossas correspundentas

  • Purtret da Christina Caprez.
    Legenda: Christina Caprez. MAD

    Christina Caprez - correspundenta per la Svizra tudestga

    Creschida si en l’Argovia sco figlia d’ina mamma tudestga e d'in bab grischun. Cun passentar las vacanzas a Puntraschigna è l’interess per il rumantsch creschì. Emprendì rumantsch ha ella dentant pir avant paucs onns, e quai il sursilvan. Suenter il studi da sociologia, etnologia ed istorgia ha ella cumenzà a lavurar sco schurnalista ed è uss dapi 7 onns collavuratura da DRS2.

  • Purtret da Romana Costa.
    Legenda: Romana Costa. MAD

    Romana Costa - correspundenta per la Svizra tudestga

    Creschida si a Puntraschigna, emprendì ils emprims pleds rumantschs en la scolina. A chasa e sin via vegniva discurrì da quels onns tudestg u puschlavin. En scola ha ella lura emprendì las emprimas frasas en puter. Durant il studi da germanistica a Turitg ha ella lura chattà definitivamain l’amur tar la lingua rumantscha. Suenter esser stada correspundenta grischuna a Cuira, lavura ella dapi 4 onns per DRS2 a Basilea.

  • Alexandre Suter.
    Legenda: Alexandre Suter. MAD

    Alexandre Suter – correspundent per la Svizra franzosa

    Alexandre Suter è naschì a Genevra e creschì si tranter Genevra e Losanna cun franzos e rumantsch. El lavura a Berna per il DFGP e viva cun sia dunna e lur duas figlias a Losanna. Tar els a chasa vegna tschantschà franzos, chinais, englais, e natiralmain rumantsch da Domat.

  • Purtret da Donata Vallino.
    Legenda: Donata Vallino. MAD

    Donata Vallino – correspundenta per la Svizra franzosa

    Donata Vallino è naschida l’onn 1958 en l’Engiadin’Ota ed ha frequentà las scolas a La Punt-Chamues-ch ed a Bever. Las scolas superiuras ed universitaras ha ella lura visità a Genevra, nua ch’ella viva e lavura dapi l’onn 1970 sco magistra da tudestg ed englais.

  • Purtret da Mirella Zen.
    Legenda: Mirella Zen. MAD

    Mirella Zen - correspundenta per la Svizra taliana

    Naschida e creschida si è Mirella Zen en la Val Müstair. Ses studis da la scienza da communicaziun ha ella fatg a l’universitad da Lugano. E là è ella restada enfin oz. Dapi l’onn 2008 lavura ella tar Radiotelevisiun da la Svizra taliana e s’occupa là da la vendita dals programs.