Siglir tar il cuntegn

Header

audio
Turissem Neuschatel
laschar ir. Durada: 5 minutas 15 Secundas.
cuntegn

Las minas d'asfalt dal Val-de-Travers

Oz è mintg'automobilist cuntent da pudair ir cun l'auto sin ina bella via glischna e che n'ha naginas rusnas u fessas. Questas vias vegnan fatgas gulivas cun asfalt liquid u catram e cura ch'i vegnan renovadas vegn fatg recicladi da l'asfalt vegl e quel vegn puspè mess si da nov.

Ozendi vegn l'asfalt fatg a moda industriala cun ieli mineral, sablun e diversas cumponentas. Ma pli baud vegneva l'asfalt extract da las minas en Frantscha u en Svizra, per exempel en il Val-de-Travers en il chantun Neuschatel. Cun explosivs vegneva la spelma siglientada per pigliar ora l'asfalt e far pront el per ch'el possia vegnir duvrà sin vias e punts. Ils miniers lavuravan a maun ed ils chavals stargevan or charrotschas cun tonnas d'asfalt. Cura ch'el era pront vegneva el transportà or en il mund per far vias e punts.

Ina visita en las minas d'asfalt dal Val-de-Travers mussa precis quella lavur ch'è vegnida fatga il 19avel tschientaner e ch'è ida a fin il 1986. Per ils visitaders vegn er ponderà: a la fin da la visita pon ins mangiar il schambun che vegn cotg en l'asfalt.

Dapli da «Ils auters»

Scrollar a sanestra Scrollar a dretga