La parada da navs sin il Lai da Genevra

Mintg'onn datti en il decurs dal mais matg ina parada da navs sin il Lac Léman. La cumpagnia da la navigaziun sin il lai mussa cun superbia sia flotta da bartgas d'epoca che vegnan restauradas cun gronda tgira, grazia a collectas fatgas tar la populaziun.

La «parade navale» sin il Lai da Genevra
Legenda da maletgs: La «parade navale» sin il Lai da Genevra keystone

Dasper numerusas excursiuns sin il lai mussan las bartgas ina sort ballet en l'aua. In sulet chapitani dirigia las bartgas sco sch'el fiss il manader d'in grond orchester. La parada cumenza cun 2'500 balluns che partan en l'aria. A la riva da Cully a Lavaux datti ils 21 da matg ina festa cun diversas activitads e schizunt cun in défilé dad Oldtimers ed aviuns istorics. La festa dura davent da la damaun a las diesch enfin la saira da las set.

Autur/a: Sandra Carisch, Redacziun: Donata Vallino