Il pitschen chalet sa chatta in toc sur il Lai da Genevra, sin in'autezza da 1'500 meters sur mar. Davent da Nyon han ins da chaminar var duas uras e mesa fin la chamona, cun auto dovr'ins 15 minutas.
Manada vegn la chamona da l'Association catholique d'action sociale et éducative. Quella s'occupa da giuvenils en situaziuns difficilas u cun difficultads da svilup dals chantuns Genevra e Vallais.
Questa stad è la chamona da giarsuns averta per la quarta giada, quai dals 6 da fanadur fin ils 6 d'avust. Sche l'associaziun chatta ils sponsurs necessaris, vegn la chamona er ad avrir la stad 2019.