L’art da fotografar

Mintgin sa regorda almain d'ina fotografia ch'el ha chattà spezialmain reussida en ina gasetta u revista. Las fotoreportaschas d'eveniments politics, tragics, festivs, sportivs, ed uschia vinavant, provan da mussar scenas remartgablas per ils lecturs. Questas fotografias giran per il mund enturn.

In buob suenter ina attatga sin Aleppo
Legenda da maletgs: In buob suenter ina attatga sin Aleppo Keystone

En il chastè da Prangins, dasper Nyon, pon ins guardar ina fitg bella exposiziun da «World Press» cun fotografias da reporters enconuschents da la Svizra u dal exteriur. Bleras fotografias èn vegnidas premiadas il 2016.

Questas fotografias mussan scenas dal mintgadi; ellas pon esser tristas, legras, dar in schoc, ma en mintga cas han ellas in effect enorm sin la glieud. La fotografia da quest buob, per exempel, ch'ella saja reala u sfalsifitgada, resta anc ditg en memoria.

In bun fotograf po era provocar l'admiraziun u l'emoziun cun sias fotografias, sco per exempel Benoît à la Guillaume, ch'è enconuschent per sias scenas cun plunas da sadellas da latg. La differenza è che quai n'èn betg fotografias spontanas sco tar in reporter. Fotografias èn era ina da las numerusas furmas d‘ovras d'art.

Bidons sans frontières

Autur/a: Donata Vallino / Gionduri Maissen