L'absint u l'alcohol ch'era scumandà per 100 onns

L'absint è en il 19avel tschientaner stà fitg enconuschent en las regiuns dal Giura ed en la Frantscha.

Durant 100 onns era la bavronda scumandada.
Legenda da maletgs: Durant 100 onns è la bavronda stada scumandada. Keystone

La glieud aveva gugent il gust d'ervas, da finotg ed anis. Ed igl aveva er num, che la bavronda saja buna cunter bleras malsognas.


Cun la popularitad ha dentant er cumenzà il commerzi d'absint da qualitad mediocra. E bainbaud aveva la bavronda il resun d'esser in tissi per ils consuments: La glieud vegniva sturna, sch'ella baveva memia bler absint. Era quai propi uschia u eran ils viticulturs forsa schiglius sin il success da la «diala verda»?


En mintga cas è l'absint vegnì scumandà per circa 100 onns. Ozendi pon ins puspè cumprar e producir absint. Las controllas garanteschan dentant ch'il consum saja segir.

Autur/a: Donata Vallino