Ir cun skis amez ina citad – e quai era anc gratuit

Ils pumpiers fan ina demonstraziun sin il lai avert schelà.
Legenda da maletgs: Ils pumpiers fan ina demonstraziun sin il lai avert schelà. Keystone

A Berna na ston ins betg ir en muntogna per ir cun ils skis. Dapi quest'emna datti ina mini-pista amez la citad. Il pli pitschen territori da skis è vegnì inaugurà il di da Son Niclà! En il pli grond bogn avert da la Svizra il Weyermannshaus, nua ch'ins po d'enviern ir cun pattinas, datti uss in tarpun magic, chalzers da skis e natiralmain skis per ch'ils pitschens Bernais possian far las emprimas experientschas sin skis. E pajar na ston ins nagut persuenter. Questa novitad ha ils ultims dis attratg entiras scossas d'uffants.

Autur/a: Romana Costa