Ils bisons da l'America en Svizra

En Svizra pon ins vesair oz in pau dapertut bisons che pasculeschan.Quels da l'Europa èn sparids dapi daditg – uss pudessan els turnar puspè tar nus. Ma per intant èn quels ch'ins vesa dals Stadis Unids da l'America.

Bisons.
Legenda da maletgs: Bisons che pasculeschan sin ina pastgira en Svizra. Reuters

L'idea è stada quella d'in giuven pur ch'avess gì da surpigliar l'affar da la famiglia e che na vuleva far l'allevament da vatgas. Sia passiun è naschida en il Dakota dal sid.

L'emprim ha el cumprà 10 bestgas; quai era l'onn 1986. Dapi 30 onns fa el ussa allevament da bisons e venda lur charn per plaschair dals nas fins. Cun agid dal stadi ha el pudì manar vinavant l'affar. Auters purs han fatg sco el – ed oz datti var 600 bestgas en Svizra. Dapli davart quest tema en l'emissiun «Ils auters».

Redacziun: Donata Vallino