Ils auters cun nossa correspundenta Donata Vallino

Breitling, Tissot, Certina, Omega, Rado, Zodiac, Rolex

Ura fatga d'in mastergnant durant la scola.
Legenda da maletgs: La fabricaziun dad uras ha cumenzà en Svizra en il 16avel tschientaner. Donata Vallino

Quai èn nums e marcas dad uras svizras. Sch'ins discurra en l'exteriur da la Svizra, lura pensa la glieud l'emprim vi da tschigulatta u vi dal cuntè da satg, ma dalunga era a las uras.

Quai ha sia raschun: la fabricaziun dad uras ha cumenzà en Svizra, a Genevra, gia il 16avel tschientaner ed è ida enavant en il Giura. Ozendi datti anc adina firmas che stattan a Genevra ed differentas firmas era en il Giura. Ellas mantegnan lur tradiziuns. Il Giura ha scolas spezialisadas che lavuran ensemen cun questas firmas. Suenter ch'ils mastergnants han lur diplom lavuran els en ina da questas firmas. Anc adina vegn glieud da tut il mund per cumprar uras da luxus fatgas en Svizra.

L'urologia svizra ha adina puspè survivì diversas crisas ed ha chattà ina nov'energia e novas ideas tras il signur Hayek e sia Swatchgroup. Dapli da las uras svizras rapporta nossa correspundenta Donata Vallino.

Autur/a: RTR/td