Ils auters cun nossa correspundenta Donata Vallino

9avla ediziun dal «Pregny Alp Festival»

Gruppa da persunas che fan musica.
Legenda da maletgs: Gia per la 9avla giada organisescha Pregny il «Pregny Alp Festival». MAD

Il Grischun u la Svizra tudestga han bainprest en mintga vischnanca in club da jodel, ina gruppa da saut u in orchester da musica populara; tut different è quai a Genevra. La musica populara ha pauc plazza en nossa citad. Ma dapi in pèr onns vegn cumenzà er a Genevra da far viva la passiun per la musica populara svizra. Ins sto savair che dapli che 45% da la populaziun che viva a Genevra è Svizra. La veglia exista damai da mantegnair ina identitad dal chantun danunder ch'ins è oriund. Cun la buna voluntad dad insaquantas persunas existan ussa er a Genevra gruppas da musica populara u da jodel e tschertas vischnancas organiseschan damai festivals.

Quai è er il cas tar la vischnanca da Pregny, ina vischnanca cun var 3500 abitants. Dapi var 10 onns organisescha Pregny il «Pregny Alp Festival» e quai la prima dumengia dal mais d'avust. Mintg'onn vegnan gruppas da musica populara da tut la Svizra franzosa ma er da la Svizra tudestga a far musica. La glieud ha plaschair da vegnir a tadlar. Er la giuvna generaziun cumenza ad esser activa ed ils sponsurs han interess da quest eveniment. Rendezvous lonn che vegn per la 10avla ediziun!

Autur/a: RTR/cl