Discussiun davart Racial Profiling a Turitg

In process actual cunter policists, ch'han duvrà violenza envers in um da pel naira, procura actualmain per discussiuns a Turitg.

Er a Turitg vegn discutà davart Racial Profiling.
Legenda da maletgs: Er a Turitg vegn discutà davart Racial Profiling. Keystone

Quest'emna èn dus policists ed ina policista stads davant dretgira a Turitg. Els èn accusads d'avair maltractà in um nair ch'è oriundamain da la Nigeria e viva dapi onns qua en Svizra. Sin via da la sortida a chasa han ils policists fermà el e dumandà in document. Perquai che l'um ha vulì savair la raschun pertge che gist el vegnia fermà da la polizia è la situaziun escalada. Ils policists e l'um raquintan a moda differenta quai ch'è schabegià.

Actualmain na datti anc nagina sentenzia. Però omaduas partidas vesan il process sco exempel per il tema Racial Profiling.

Autur/a: Christina Caprez / Onna Riedi