Cunter criminalitad e drogas: «Neustadtlab»

In lieu per esser creativ pretendevan ils giuvens gia il 1968, pia avant 50 onn. E quai vulan els anc oz!

Neustadtlab a Berna l'onn 2015.
Legenda da maletgs: Neustadtlab a Berna l'onn 2015. Keystone

A Berna hai ina gronda plazza, nua ch'in spazi liber vegn realisà: En la «Schützenmatte» gist sper l'enconuschenta Reitschule. Lez renumà center cultural autonom procura adina puspè per agitaziun pervi da violenza, drogas u dispita cun polizia. Per cumbatter precis là cunter violenza e drogas ha la citad stgaffì avant quatter onns in experiment sin questa plazza, ch'è atgnamain in parcadi. Ina plazza per cultura, creativitad e per s'inscuntrar: l'uschenumnà «Neustadtlab». Adina durant la stad sa mida queta plazza en in lieu creativ, per star patgific. I dat concerts, workshops, teaters, ierts urbans, bears e restaurants pitschens (foodtrucks).

Autur/a: Romana Costa