Il forum cun Flurin Filli

Reflexiuns e bilantschas ecologicas

Purtret da Flurin Filli.
Legenda da maletgs: Flurin Filli. RTR

Il temp da Nadal è sco fatg per reflexiuns e per trair bilantscha. E quai betg mo en vista als regals da Nadal. I fiss era in bun temp per reflectar davart nossa vita, noss agir e las consequenzas per noss ambient. Quel è in bain communabel, però «roba da cumün es roba da ningün», sco ch'il proverbi engiadinais di. Dentant exact quest pensar ans maina vi e pli en in dischequiliber cun noss ambient. E prender las cuntramesiras adattadas para pli che grev. Pli simpel fissi sche mintgin da nus chattass ina moda da viver che laschass enavos ina passida ecologica pli pitschna pussaivla.
Redacziun: Flurin Filli

Autur/a: RTR/cl