Il forum cun Chatrina Gaudenz

Ils sauts da mort e l'art da viver

Purtret da Chatrina Gaudenz
Legenda da maletgs: Chatrina Gaudenz. RTR

La mort, simbolisada d'in skelet, envida a bal. Da quests sauts da mort han ins malegià a partir dal 15avel tschientaner sin mirs-baselgia. La mort sauta dentant era en chanzuns e veglias poesias rumantschas.

L'arranschament è adina il medem: la mort, simbolisada d'in skelet, envida a bal. L'emprim sauta el cun il papa, suenter cun il retg e la regina, il cardinal ed il pader, vinavant cun il derschader e la fantschella enfin tar il murdieu u l'uffant. La mort vegn per mintgin e mintgina, per ritg e pover, trid e bel, giuven e vegl.

Da quests sauts da mort han ins malegià a partir dal 15avel tschientaner sin mirs-baselgia, sco sin il mir da la chapella Sogn Sievi sur Breil, sin ils mirs-santeri a Basilea u sco a Cuira en la curt episcopala. La mort sauta dentant era en chanzuns e veglias poesias rumantschas. Quests sauts èn in «memento mori» e l'expressiun da nossa perplexitad, ravgia dentant era forza ed amur en vista a la mort.

Redacziun: Chatrina Gaudenz

Autur/a: RTR/cl