Tuxedo – il smoking american

Precis oz avant 130 onns è vegni inventà il smoking american che vegn numnà tuxedo. Il num tuxedo engrazia il smoking american al club exclusiv a New York cun il num "Tuxedo".

Il tuxedo e la varianta ligera dal frac.
Legenda da maletgs: Il tuxedo e la varianta ligera dal frac. Keystone

Avant 130 onns era en il club Tuxedo il bal d'atun. In da quels ch'è ì al bal aveva in enconuschent englais e quel aveva in smoking. En Engalterra vegniva gia daditg purtà il smoking. Quel collega englais ha lura mussà a l'auter il smoking e quel ha tratg en il smoking per ir al bal d'atun. Ils auters visitaders, la signuria da New York, eran fascinads dal smoking e han era cumprà in. Uschia ha il smoking englais chattà la via en l'America sut il num tuxedo.

Il smoking ed il fimar

Il smoking era la varianta pli lucca dal frac. Per ir a festas pigliavan ils umens adina 2 giaccas cun els. Ina dal frac ed ina dal smoking. Il frac vegniva purtà a la festa. Dentant sch'ils umens gievan a fimar, a baiver in digestiv ed a giugar cartas prendevan els il smoking. Cur ch'els avevan lura fimà, bavì e giugà a fin e vegnivan enavos a la festa purtavan els lura puspè il frac. Il scopo era ch'ils umens na vulevan betg disturbar las dunnas cun la spizza dal fim. E il midar giacca aveva anc la muntada che la saira uffiziala gieva vers la fin.

Autur/a: RTR/fc