Trojaner 20 minutas

L'applicaziun nuschaivla è in trojan dad e-banking cun il num «Gozi», sco Pascal Lamia, il schef da MELANI, ha ditg envers SRF. Il trojan emprova da survegnir access als contos da banca dals utilisaders.

Il trojan «Gizo» da «20 minutas» è vegnì chattà e stiz
Legenda da maletgs: Il trojan «Gizo» da «20 minutas» è vegnì chattà e stiz Keystone

Sco reacziun sin quest messadi han emprims concerns bloccà l'access al portal da «20 Minuten». Tranter questas firmas sa chattan l'Administraziun federala, la SRG e l'agentura da novitads SDA. Er la Swisscom ha entant bloccà l'access.

Infecziun è grev da constatar
Tgi che ha visità la pagina da «20 Minuten», possia avair s'infectà, ma na stoppia betg, uschia Lamia. I saja extrem grev da constatar, schebain l'agen computer saja infectà dal trojan. Suspectus sajan per exempel ina colliaziun fitg plauna, in visur blau u in appel dad adina puspè dar en il pled clav.
En tals cas recumonda Lamia d'immediat contactar la hotline da l'atgna banca.

La pagina d'internet da 20 minutas era vegnida infizada tras software nuschaivla. Uss dat Tamadia fin d'alarm: Il trojan saja vegni chattà e stiz. Da la pagina d'internet na dettia nagin privel pli.

La pagina d'internet da «20 Minuten» è infectada cun in trojan. Differentas interpresas sco er l'Administraziun federala han bloccà l'access a la pagina correspundenta, perquai che computers da visitaders pudessan s'infectar cun software nuschaivla.

Il post correspundent d'annunzia ed analisa da la Confederaziun MELANI che tschertga virus e verms per utilisaders privats e firmas pitschnas e mesaunas ha dà alarm. Sur la pagina d'internet da la gasetta «20 Minuten» pon computers vegnir infectads cun software nuschaivla.

Autur/a: SRF/alb/ma/fc