Tipic american – 70 hotdogs en 10 minutas

Il record acutal da la concurrenza da mangiar hotdogs è tar 70 en 10 minutas. In concurrenza ch'exista dapi il 1916.

La concurrenza da mangiar hotdogs il 2015.
Legenda da maletgs: La concurrenza da mangiar hotdogs il 2015. Keystone

Mangià vegn dal tut tar concurrenzas da mangiar, passà 200 alas da pulaster en 10 minutas, passà 100 hamburgers en 8 minutas u lura 70 hotdogs en 10 minutas.


La concurrenza da mangiar hotdogs che ha lieu mintgamai al di da l'independenza ils 4 da fanadur è la pli gronda e populara. Dieschmillis guardan tiers live avant la tribuna ubain a la televisiun als 30 mangiaders.


Ils mangiaders na paisan betg 150 kilos e n'han er betg venters gross. Anzi els èn fitg atletics e treneschan era, saja quai da schlargiar il magun u trenar la missella cun schlugnar schlogns.


Quel che mangia ils pli blers hotdogs survegn in premi da 10'000 dollars e la 'tschinta melna da mustarda'.

Autur/a: RTR/ggf