Theo Gmür

El ha gudagnà l'emprima medaglia dals gieus paralimpics a PyeongChang, en la cursa rapida en pe. Theo Gmür è da Haute-Nendaz en il Vallais, el ha 21 onns e studegia a Magglingen. Sias disciplinas èn atgnamain il slalom ed il slalom gigant. Gmür è paralisà dad ina vart pervi d'in edem dal tscharvè.

Legenda da maletgs: Keystone

Swissparalimpic scriva che Theo Gmür pudessia daventar il proxim grond star da sport svizzer da persunas cun impediment. Da sia victoria è el surstà, surtut en la cursa rapida. El haja pudì ir senza squitsch, cunquai che quests sajan ses emprims gieus paralimpics.

Autur/a: RTR/ Angela Hendry