Ted Cruz

Cun las pre-elecziuns en Iowa ha cumenzà l'onn dad elecziuns en ils Stadis Unids. Tar ils republicans surpiglia Ted Cruz cun radund 28% da las vuschs la testa avant ses concurrent pli grond, Donald Trump, che fa radund 24,5% da las vuschs.

Purtret da Ted Cruz.
Legenda da maletgs: Victur en Iowa - Ted Cruz fa il meglier resultat republican. KEYSTONE

I dat strusch ina persuna che ha procurà il davos temp per uschè bleras lingias grassas sco Donald Trump. La davosa notg hai dentat dà ina terrada per Trump. Tar las pre-elecziuns dal president american ha Trump survegnì pli paucas vuschs che ses grond concurrent - Ted Cruz. Ted Cruz, pia il nov favurit tar ils republicans per vegnir nov president. Tge che dat en egl è che Ted Cruz è gnanc naschì en ils Stadis Unids da l'America. Da nua è Ted Cruz oriunds? E co vesa sia carriera politica ora?

Autur/a: RTR/cl