Spitex

La Spitex, il servetsch d'agid e tgira a chasa festivescha oz il di naziunal. En il focus da quel stat la vegliadetgna da la clientella.

La Spitex è er qua per clients pli pitschens.
Legenda da maletgs: La Spitex è er qua per clients pli pitschens. Keystone

Betg mo persunas attempadas dovran il servetsch da la Spitex, mabain er persunas pli giuvnas per exempel tar ina malsogna u suenter in accident. Exact quai less la Spitex mussar a lur di naziunal cun in video. En quel decleran persunas da tutta vegliadetgna daco che la Spitex è impurtanta per els.

Sper la clientella stat er il persunal da la Spitex en il focus. L'associaziun less mussar, che bun persunal saja impurtant en la tgira. Uschia mussa la Spitex ch'ella è ina patruna attractiva che porscha bunas pajas ed er la pussaivladad da sa scolar vinavant.

Autur/a: Selina Chistell