Sgt. Pepper’s Lonely Hearts Club Band

Uschia sa numna l'otgavel album dals Beatles chè vegnì publitgà precis avant 50 onns. In album che vala sco in dals pli impurtants da ses temp. Er per la band sezza munta l'album ina midada – era quai gea betg cler sco i va enavant per ils Beatles.

Ils Beatles en lur uniformas da Sgt. Pepper
Legenda da maletgs: Ils Beatles en lur uniformas da Sgt. Pepper keystone

Els avevan il nas plain, na vulevan betg pli ir sin turnea, avevan adaina damain aspectaturs, dispita cun il manager e lura anc il caos a Manila nua ch'els èn vegnids attatgads. Dentant, enstagl da schliar la band han els creà l'alter ego, la Sgt. Peppers Lonely Hearts Club Band.

L'album che porta quai num è vegni producì cun la pli nova tecnica dal temp, ils texts èn vegnids pli profunds e sarcastics, insumma tut in zic pli surreal. E betg be la musica da l'album è vegnida festivada, mabain er il cover da l'album che mussa ils Beatles en uniformas giaglas entamez massa figuras da prominents vala sco art. Uss – 50 onns suenter la publicaziun – è lalbum vegni demontà e renovà da nagin auter che dal figl dal producent original da l'album. Giles Martin ha lavurà cun l'ovra da ses bab George Martin.

Autur/a: Sabrina Bundi