Sarin

Tar attatgas da gas toxic en la Siria èn quest'emna almain 72 persunas mortas. La WHO suppona ch'i saja vegni duvrà il gas da la gnerva Sarin.

Attatgas cun il tissi da la gnerva Sarin han chaschunà almain 72 morts.
Legenda da maletgs: Attatgas cun il tissi da la gnerva Sarin han chaschunà almain 72 morts. Keystone

Sarin è in gas toxic che tutga tar las armas chemicas. Sarin è tar temperatura da stanza in liquid ch'ins na savura e na vesa betg. El sa mida spert en in gas che po, entaifer curt temp, mazzar in carstgaun. Il gas attatga las colliaziuns tranter las cellas da gnerva dal corp. Uschia perda il carstgaun adina pli fitg la controlla sur dal corp enfin tar il collaps.

Autur/a: Selina Chistell