Saramentaziun da Donald Trump

Ils novs presidents dals Stadis Unids fan lur sarament adina ils 20 da schaner. Quai di è in firà en l'America ed a Washington in di da grondas festivitads, ceremonias e bals.

Donald Trump
Legenda da maletgs: Donald Trump, il 45avel president dals Stadis Unids. KEYSTONE

Donald Trump, il 45avel president dals Stadis Unids, fa ses engirament a las 12.00 (18.00 temp svizzer) avant il Capitol a Washington. Gist suenter salva el ses emprim pled sco president. Allura sa rendan Donald Trump e sia dunna Melania cun ina parada en la Chas'alva, e la sera fan els viseta als bals. Ins spetga 800'000 fin 900'000 persunas en la chapitala americana. Las festivitads per il di da saramentaziun vegnan a custar tranter 175 fin 200 milliuns dollars. Var 90 milliuns dollars haja Donald Trump rimnà da donaturs privats.

Autur/a: Marionna Lombriser