Sandra Graf porta la bandiera svizra als paralimpics da Rio

La atleta Sandra Graf (47) da Teufen po purtar la bandiera svizra quista saira a chaschun da l'avertura dals paralimpics a Rio. Ella sa participescha a duas disciplinas paralimpicas.

Sandra Graf durant in maraton l'onn passà.
Legenda da maletgs: Sandra Graf ina speranza svizra als paralimpics da Rio Reuters

En ils davos 16 onns è Sandra Graf sa mesirada tschintg giadas als paralimpics. A Londra, l'onn 2012 aveva ella conquistà la medaglia d'aur en la disciplina velo a maun e la medaglia da bronz en il maraton en sutga cun rodas. Sandra Graf, la purtadra da la bandiera svizra è paralisada dapi l'onn 1991. En tut sa participescha 24 atletas ed atlets svizzers als paralimpics a Rio che cumenzan oz.

Autur/a: rtr/de