Rohingya

Ils Rohingya èn ina minoritad muslima che viva en lAsia dal Sidost - en ils pajais Myanmar, il Bangladesch, il Pakistan, la Saudiaraba, la Malaisia ed era en la Tailanda.

Ina famiglia Rohingya.
Legenda da maletgs: Ina famiglia Rohingya. Keystone

La dumonda davart l'origin dals Rohingya è dispitaivla. Il pievel en il Myanmar pretenda ch'ils Rohingya sajan immigrants ch'èn vegnids nà dal Bangladesch. Ils Rohingya perencunter din che lur minoritad vivia gia dapi generaziuns en la regiun da Rakhine. Era mussaments isotics sustegnan questa versiun. Dapi il 1982 na vegnan ils Rohingya betg renconuschì sco burgais dal stadi da Myanmar. Els n'han nagin dretg da votar e na san betg sa mover libramain. Amnesty International rapporta ch'els vegnan mess sut squitsch, ston pajar taglia supplementara e vegnan persequitads.

Purs, martgadants e pestgaders

Las bleras famiglias da la minoritad muslima vivan simpel. Els èn purs, martgadants u pestgaders. Blers vivan er en povradad. Enfin 80% da las persunas è er analfabeta.

Autur/a: Selina Chistell