«Razzie Award» – l'ampuauna d'aur

Il «Razzie Award» u il Golden Raspberry Award (ampuauna d'aur) sco il premi vegn era numnà è precis il cuntrari dals Oscars. Pia il premi per las mendras prestaziuns da l'onn a Hollywood.

Sandra Bullock cun in «Razzie Award»
Legenda da maletgs: Sandra Bullock ha survegnì in'ampuana d'aur il 2010. Keystone

Il premi vegn surdà dapi il 1981, mintgamai ina saira avant la surdada dals Oscars. Il num deriva da l'expressiun englaisa «to blow a raspberry». Quai vul dir far la canera d'ina toffa cun levzas e lieunga e munta tant sco metter giu, criticar insatge.

Er prominents survegnan ampuaunas...

L'ampuauna d'aur survegnan acturas, reschissurs e producents da films. P. ex. per il mender film, la mendra rolla principala, la mendra istorgia u magari perfin per in mender film che ha tuttina fatg passa 100 milliuns dollars gudogn.

Tranter ils premiads dal 2018 èn p. ex. Tom Cruise (mender actur) u Tyler Berry (mendra actura). Il mender film dal 2018 è «The Emoji Movie», premià cun quatter ampuaunas d'aur.

Ils blers premiads na vegnan betg persunalmain per lur premis. I dat però er excepziuns. Uschia han il comicher Tom Green u l'actura Halle Berry stads sin tribuna avant ils critichers.

Autur/a: Gion Gieri Flepp