Privel da fieu en il Grischun

En il Grischun è il privel da fieu pervia d'ina perioda da setgira grond. Cunzunt las valladas dal sid èn pertutgadas. Là èsi absolutamain scumandà da far in fieu en il liber.

En il Tessin ed en las valladas dal sid dal chantun Grischun vala in scumond absolut da fieu.
Legenda da maletgs: En il Tessin ed en las valladas dal sid dal chantun Grischun vala in scumond absolut da fieu. BAFU/SRF

En Val Mesauc, Val Calanca, la Bregaglia sco era en il Puschlav èsi absolutamain scumandà da far in fieu en il liber. Era fieus en fuainas existentas n'èn betg lubids. Sco l'uffizi da la natira dal Grischun communitgescha, saja la situaziun en il sid dal chantun anc pli precara che tar ils incendis dal december vargà en la Val Calanca ed en la Val Mesauc.

Era en autras regiuns vala in privel da fieu considerabel enfin grond

Davent da Tusaun enfin Maiavilla ed era en Val Müstair vala in grond privel da fieu. Era là n'èsi betg lubì da far in fieu en il liber. Sulettamain en fuainas publicas cun in funs da betun dastg'ins grillar ina servela. Era en il rest dal chantun è il privel existent. Era là ston ins esser fitg precaut sch'ins arda insatge ni fa in fieu. Lura vala: observar il fieu tut il temp e stizzar el suenter che la liongia è grillada.

Autur/a: Selina Chistell