Prinzi Henrik da Danemarc

Ils 13 da favrer è prinzi Henrik mort cun 83 onns en il palazi «Fredensborg». L'um da la regina Margrethe II. pativa vi da demenza ed aveva er uschiglio problems cun la sanadad.

Legenda da maletgs: Keystone

Prinzi Henrik, cun num oriund Henri Marie Jean Andrè de Laborde de Monpezat, è nat ils 11 da zercladur en il sid da la Frantscha. Suenter ses studi da dretg e dad instrucziun civica ès el ì sco secretari en l'ambassada franzosa a Danemarc. Là ha el emprais ad enconuscher la princessa Margrethe, pli tard la regina.

Sco consort da la regina, ha el surprendì diversas caricas sco il presidi dal WWF da Danemarc u en diversas organisaziuns da commerzi. Henrik era in grond amatur dad art. El sunava clavazin, ramassava ovras d'art ed ha era translatà divers cudeschs ed edì divers cudeschs da cuschinar.

Autur/a: Flurin Clalüna