Prer Ernst Sieber

El è s'engaschà per alcoholichers, dependents da drogas u era per persunas senza suttetg. Prer Ernst Sieber, il pli enconuschent prer da Turitg festivescha oz ses 90avel anniversari.

Ernst Sieber s'engascha anc oz per ils pli faivels en nossa sicietad.
Legenda da maletgs: Ernst Sieber s'engascha anc oz per ils pli faivels en nossa sicietad. Keystone

Enconuschent è prer Ernst Sieber oz cunzunt pervia ses engaschi durant il temp dal Platzspitz a Turitg. Ils onns otganta ha el tgirà là massa dependents da drogas. Ord quels engaschis èn silsuenter naschids alloschis d'urgenza, posts da consultaziun e ospizis da SIDA. Tut quellas instituziuns fan oz part da la fundaziun Pfarrer Ernst Sieber. Era anc oz cun 90 ans s'engascha prer Sieber per ils pli flaivels en nossa societad. In project è per exempel il Pfuusbus. In bus vegl cun 12 plazs da durmir porscha l'enviern in suttetg a persunas che n'han nagin dachasa.