Pesta da chauns

La pesta da chauns è ina malsogna da virus fitg contagiusa che pertutga chauns, vulps, telpis, mustailas u er fiergnas. Ella sa derasa entras contact direct u via pavel.

Ina vulp en la naiv.
Legenda da maletgs: Ina vulp en la naiv. Keystone


La pesta da chauns (Staupe) n'è dentant betg il medem sco la ravgia da chauns (Tollwut). Bain èn domadus virus fitg contagius. Ils sintoms n'èn dentant betg ils medems.

La ravgia da chauns pon survegnir tut ils mammals, pia er carstgauns – e per part er utschels.

Tant la pesta da chauns sco er la ravgia da chauns èn savens mortalas per ils animals infectads.