Penalti

El ha schon procurà per inqual larma tar ils giugaders e golis da ballape. Larmas da legria ed era larmas da tristezza. Ed oz avant 125 onns ha l'istorgia da questa chaussa cumenzà: Il penalti.

Oz avant 125 onns hai dà l’emprima giada il duel tranter goli e giugader sin il punct da penalti.
Legenda da maletgs: Oz avant 125 onns hai dà l’emprima giada il duel tranter goli e giugader sin il punct da penalti. Keystone

Cristiano Ronaldo, Lionel Messi u era l'anteriur giugader David Beckham. Els han tuts gia disdì sin il punct da penalti en muments decisivs. Il penalti ha propi gia procurà per inqual mument dramatic en il mund da ballape.

Inventà è il penalti vegnì da William McCrum da l'Irlanda. El vuleva il 1891 ch'ins vegnia chastià pli fitg tar in foul en la zona da chasti.

Autur/a: RTR/gcc