Pass dal Lucmagn

Il Pass dal Lucmagn collia il Grischun cun il Tessin e la Val Medel cun la Val dal Blegn. El è gia da vegl nà in impurtant pass per traversar las Alps.

Pass dal Lucmagn.
Legenda da maletgs: Pass dal Lucmagn. Keystone


Il pass è be 1915 meters aut ed uschia èsi vegnì ponderà da construir il traject nord vers sid da la viafier sur il pass enstagl dad ir tras il Gottard. Il 1869 han ins dentant decidì dad ir tras il Gottard uschia ch'il Lucmagn n'è betg daventà in pass impurtant per traversar las Alps. Pli baud era quai dentant auter, cunzunt en il temp mediaval duvravan cunzunt commerziants e pelegrins il Lucmagn per traversar las Alps.

Autur/a: Prisca Bundi