Paradise Papers

Suenter ils uschenumnads Panama Papers èn ussa novs documents vegnids a la glisch: Ils Paradise Papers. Quai èn 13,4 milliuns documents da la chanzlia d'advocat Applebys sin las Bahamas.

Paradise papers: puspè èn documents vegnids a la glisch.
Legenda da maletgs: Paradise papers: puspè èn documents vegnids a la glisch. keystone

Ils documents cumpiglian per exempel mails ubain contracts che mussan, tgi che ha deponì daners en in'oasa da taglia. Ubain ch'els mussan forsa er indizis sin fatschentas illegalas, sco cas da corrupziun ubain da lavar daners. Passa 380 schurnalists da l'entir mund han l'ultim onn analisà ils documents dals Paradise Papers e chattà differents nums da politichers, prominents ubain er firmas. En Svizra èn quai per exempel l'interprendider Jean Clauce Bastos u l'interpresa dad ieli Glencore.

Autur/a: Sabrina Bundi